Urtarrilaren 8tik 12ra, 5 eta 6. mailako ikasleak eskiatzen izan dira Izaban.
Sunbilla, Ituren, Legasa eta Narbarteko eskola ttikietako 5. eta 6. mailako ikasleak eski kanpainan.
Guztira 54 ikasle eta 8 irakasle abiatu ziren Izabara astelehenean eta 3 etxetan hartu dute ostatu.
Aurtengo lehendabiziko txanda egokitu zaie eta honekin batera lehendabiziko elurtea ikusteko parada izaten ari dira, zorionez.
Honelako jardueretan elkarrekin parte hartzea dute aurrekontuei eta antolakuntzari aurre egiteko modu bakarra, beren ikasle kopuruak eta aurrekontuak murritzak direlako. Horrez gain, eskualdeko haurrek elkar ezagutzea sustatzen dute, izan ere, elkarrekin ikasiko dute Derrigorrezko Bigarren Hezkuntzan eta erosoago burutuko dute aldaketa aurpegi ezagunak izanik.
Esperientzi ikaragarria izan dela diote denek, eskiatzeaz gain jende anitz ezagutu eta jarduera oso interesgarriak egin dituztelako, bertzeak bertze, ginkanak, herri kirolak, escape room-a, diskoteka… Eta ikaragarri gozatu dute. Urtero egiteko moduko ekintza dela uste dute.
Utzi erantzuna