Hasiera

Martxoaren 1ean, Malerrekako landa eremuko eskoletako familiak elkarrekin Izaban eskiatzeko aukera izan zuten. Bigarren urtea da ekintza hau aurrera eramaten dena, eta harrera bikaina duela esan beharra dago. Familiako kideek elkarrekin gozatzeko aukera izan zuten, baita gainerako guztiekin ekintzaz gozatzekoa ere. Eguraldia lagun, errepikatzeko esperientzia izan zela adierazi dute parte hartu zuten familiek.

Urtero bezala, Sunbillako herriko inauterien atarian eskolak ere bere inauteriak ospatu ditu rtarrilaren 26an. Goiz goizetik tailer ezberdinak izan dituzte ikasleek, hala nola, pankarta tailerra, dantza tailerra, ipuin tailerra, joko tailerra eta apaingarriak egiteko tailerra. Txandaka tailer ezberdinetatik pasatu ondoren, eskolak eskainitako hamaiketakoa egin dute. Sabela bete ostean, traste guztiak hartu eta herriari buelta eman […]

Ikasturte honetan, 5 eta 6. mailako ikasleek bertsolaritza ikastaroa burutzen hasi dira. Bi urtetik behin egiten den ekintza honetan, ikasleek hizkuntzaren erabileran gaitasun handia hartzen dute, izan ere, hitzekin jolasean aritzen dira eta bertso politak sortzen dituzte. Aurten Estitu Arotzena dute bertsolaritzako irakasle. Ziur bertso politak sortuko dituztela!

Urtarrilaren 8tik 12ra, 5 eta 6. mailako ikasleak eskiatzen izan dira Izaban. Sunbilla, Ituren, Legasa eta Narbarteko eskola ttikietako 5. eta 6. mailako ikasleak eski kanpainan. Guztira 54 ikasle eta 8 irakasle abiatu ziren Izabara astelehenean eta 3 etxetan hartu dute ostatu.  Aurtengo lehendabiziko txanda egokitu zaie eta honekin batera lehendabiziko elurtea ikusteko parada izaten ari dira, […]

Iritsi da azkenean 2022-23 ikasturteko azken eguna. Aurten ere 6. mailako ikasleei agurra emateko garaia iritsi da. Bederatzi urtez gurekin egon ondoren, beste etapa berri bat hasteko unea. “Pozik baina triste”, horixe izan da behin eta berriz errepikatu dutena ikasleek, baina datorren ikasturteko esperientzia ere bikaina izanen delakoan gaude. Munduko zorterik onena opa dizuegu kuadrila, […]