Aurten, lehen aldiz, Huarteko izotz pistara joan dira Lh 3 eta 4. mailako ikasleak. Oso esperientzia polita izan da, izan ere, bi egunetan joan ziren (otsailaren 15 eta 27an) eta izugarri ikasi dutela garbi gelditu da. Horren lekuko, ondorengo bideoan ikus dezakezue. BIDEOA
Hasiera
Haur minbiziaren nazioarteko eguna
Otsailaren 15, “Haur minbiziaren nazioarteko eguna” ospatu zen. Sunbillako eskolak, urte batzuk badaramatza gaitz honen sentsibilazio lanean, eta horregatik, eguna modu berezian ospatzea erabaki da aurtengoan ere. Hementxe dituzue egunarekin kontzientzia hartzeko egindako ekintzaren emaitza. Aurrera piratatxo txikiak! Indartsuak zarete eta gu zuekin gaude!! ARGAZKIAK
Bertsolaritza
Aurten, ikasturte hasieratik 6. mailako ikasleak buru belarri aritu dira Iker Gorosterrazurekin bertsolaritzako mundu zoragarrian murgiltzen. Lehenengo hiruhilekoan aritu dira ikasten eta gozatzen, eta hona hemen emaitza. EMANALDIKO BIDEOA
Kaldereroak
Aurten bai! Aurten, kalderero kuadrila ederra bildu da Sunbillan inauteriak gainean direla abisatzeko herritarrei. Eta soinua erruz atera dute abisua emanez. Begira zeinen ongi egin duten! Gozatu BIDEOAREKIN!!
Igeriketa ikastaroa
Aurten, Malerrekako bost eskola txikiek igeriketako ikastaroaz gozatzeko aukera izanen dute. Lehen hezkuntzako lehenengo zikloko ikasleak izanen dira ikastaroan parte hartuko dutenak. Lesakako udal kiroldegian izanen da ikastaroa eta bigarren hiruhilekoan burutuko dute. Astelehenetan, urtarrilaren 16an hasita zortzi saioz gozatzeko aukera izanen dute.