Liburuak gozagarri ekimenaren barruan, aurtengo ikasturte honetan hiru idazleen bisita izan dugu gure eskolan.
Haur hezkuntza eta lehenengo mailako ikasleek Lupe Lekuonaren bisita izan dute. 3 eta 4 urteko ikasleei “animalien ipuinak” izeneko ipuin kontaketaz gozatzeko aukera izan dute, eta 5 urte eta lehenengo mailako ikasleek, berriz, “munduko ipuinak” izeneko ipuinarekin ederki pasatu dute.
Lehen hezkuntzako 2, 3 eta 4. mailako ikasleen geletara Yolanda Arrieta etorri da, eta 2. mailakoek Yolandak idatzitako “Maialenen usaina” liburua irakurria zutenez, liburu honen nondik norakoa izan dute hizpide. 3 eta 4. mailakoek, aldiz, “Marixor” liburua ederki landuta zuten eta Yolandari jakinmina sortu dieten galderak egin dizkiete.
Goiko zikoan, berriz, Pako Aristik idatzitako liburuak irakurri dituzte; 5. mailako ikasleek “Miren, Garbiñe eta sorgin baten komeriak” eta 6. mailakoek “Txabola terapeutikoa”. Liburua landu ondoren, Pakok liburuaren inguruko zalantzak azaldu eta liburugintzaren inguruko informazioa eman die ikasleei.
Oso gustora egon dira bai ikasleak baita idazle gonbidatuak ere! Datorren urteko idazleen zai gelditzen gara!!
Bisiten bideoa hementxe duzue ikusgai!
Utzi erantzuna