Martxoaren 12an, emakumearen nazioarteko egunarekin lotuz, emakume kirolari baten bisita izan dugu eskolan, Paula Beorlegi donostiar judokarena hain zuzen ere.
21 urteko emakume gazte honek dominak irabazi ditu bere ibilbidean zehar. Bere kirolari buruzko informazioa partekatu du gurekin, nola hasi zen, zergatik, zerk erakarri zion kirol hori aukeratzera, nola entrenatzen duen… Gaur egun Zizurren bizi dela adierazi zigun ere, errendimentu handiko egoitza batean, kirolean eta ikasketetan buru belarri jardunez.
Duela urtebete Letonian brontzezko domina eskuratu zuen Rigan jokatutako 52 kg azpiko Europako kopan. Paularen bigarren senior podiuma da proba kontinental batean ( 2003-6-VIII) eta munduko rankingean 198. postua hartzen duena, iaz Malagako Europako proban lortutako brontzea eta 2023ko ekainean Birminghameko Junior Europako Kopan lortutako txapeldunordearen ostean, besteak beste.
Bere palmaresa azaldu ondoren, alde praktikoa erakutsi digu. Horretarako, psikomotrizitate gelara joan gara (koltxonetak beharrezkoak ditugulako) eta judo teknika ezberdinak erakutsi dizkigu.
Hona hemen gure praktikaldiko irudi batzuk.
Utzi erantzuna