LH 4. mailako ikasleak Paulari bisita egin diote, izan ere, “eguraldia eta klima” lantzen ari dira eta Paula tenperatura eta prezipitazioa neurtzeaz arduratzen denez, gustu handiz erakutsi die zein den berak egiten duen lana.
Kontatu dienez, 1976. urtean hasi zen Paularen aita neurketa hauek erregistratzen, eta ondoren, berak hartu zuen neurketen erreleboa. Zein datu hartzen dituen aipatu du; eguneko tenperatura altuena, baxuena, hezetasuna, momentuan dagoen tenperatura eta prezipitazio kantitateak erregistratzen ditu.
Hilabete baten erregistroa osatzen duenean (egunero egiten du erregistroa), Iruñera bidaltzen ditu datuak. Hauekin, zonaldeko eta Nafarroako batazbesteko datuak ateratzen dituzte.
Adi eta gustora egon ziren ikasleak Paularen azalpenak entzuten. Mila esker Paula!
Argazkiak ikusi nahi izan ezkero, hemen klikatu.
Utzi erantzuna