Ikasturte amaierako azken txanpa berezia izaten da beti, eta aurten ere horrela izan da. Ekainaren 19an, mendi irteera eder batekin agurtu genituen klaseak. Gero, patioa elkartasun eta irribarre gune bilakatu zen gosari goxo bati esker.
Baina egunak bazuen asmo berezi bat: gure 6. mailakoei merezitako agurra egitea. Musikaz, dantzaz eta besarkadaz jantzi genuen patioa. Ezin ukatu malkoren bat edo beste ere ikusi genuela, baina bidean utzitako oroitzapen politen eta datorrenaren ilusioaren seinale izan ziren.
Hurrengo urtean Doneztebeko institutuan ekingo diote ikasketen bideari. Eskola komunitate osoaren partetik… zorterik onena zuen bide berrian!
Utzi erantzuna