Elika
Ikastetxeetan fruta eta barazkiak jateko plana Europako Plan bat da eta Nekazaritza Ministerioak kudeatzen du Hezkuntza eta Osasun Ministerioekin elkarlanean. Plana NAOS egitasmoaren parte da, osasun-estrategia horren helburua izanik elikadura osasungarria eta jarduera fisikoa sustatzea gizartearen esparru guztietan.
Fruta eta barazkiak astero eramaten dira ikastetxeetara, ikasleei hiruna errazio banatzeko astean. Planak oro har gomendatzen du fruta eta barazkiak astean bitan banatzea gutxienez, haurrek modu jarraituan dastatu eta jan ditzaten; hala eginez gero, jaki horien kontsumoa handitzea lortzen da epe motz eta luzean, baita jateko ohitura osasungarriak txertatzea ere.
Programan parte hartzea borondatezkoa da eta Sunbillako eskolak baditu urte batzuk parte hartzen duela. Ikasleen artean harrera ona duela ikusirik, aurtengoan ere, eta ikasturte bukaera arte, astean hirutan fruta izanen da nagusi gosarietan.
Utzi erantzuna